احنا بقينا كدة ليه

هلا اصحابى فى المنتدى الجميل النهاردة بقى حبيت اكلمكم فى موضوع يمكن يكون كئيب شويه بس احنا صحاب والصحاب الجدعان لازم يكونو مع بعض على الحلوة والمرة والنهاردة بقى يوم المرة مخبيش عليكم بقالى فترة مكتئبه وحزينه برغم ان دى مش طبيعتى......بس لما بشوف حالات مستعصيه جدا جدا ومش فى امكانى اساعدهم... الموضوع بقى الحياه بقت كدة ليه صعبه جدا جدا الظلم توغل فى كل مكان ومشكلات المعيشه زادت مفيش موصلات مفيش شقق مفيش وظايف مفيش جوازالخ و الحاجه عماله تغلى والمرتب زى ماهو دة للى اصلا عندة وظيفه ومرتب لانكو عارفين طبعا ان البطاله غول عمال ياكل فى الشباب اللى زى الورد..... حتى المشاعر النبيله البسيطه زى الاخلاص والوفاء والحب والرحمه انعدمت وصله الرحم قربت تموت نفسي اعمل اى حاجه قصدى كلنا نعمل حاجه نغير بيها نفسنا وبلدنا للاحسن عايزين نرتقى بجد بس مش عارفه ابدا منين ياترى العيب فينا ولا فى الزمن وليه كل ما الزمن يعدى المشكلات والمصاعب تزيد وتزيد نفسي ارجع لايام زمااااااااااااااااااان بيقولو كانت حاوة ولا بعدنا عن الدين ياترى هتقولو الحياه من غير مصاعب كمان مش حلوة وان المصاعب بتقوينا بس طولت قوى لدرجه انى حاسه من كترها قربنا نتشل مش نقوى على فكرة انا بطبيعتى متفائله جدا ومتوكله على الله ومطمئنه لعدالته بس متاكدة اننا كمان لازم نعمل حاجه نتغير للاحسن ايه هى تحديدا معرفش ياريد نساعد بعض ونعرف التغير نبدا بيه منين عشان نوصل لمعنى السعادة الحقيقيه والاستقرار الداخلى [/center]

كلامك صح الصح يا اختي والله العضيم طب حنعمل ايه بس
انت ايه الحل بنضرك

اقولك شيء بسيط جدا
انتى لمحتى عليه فى كلامك
وهو بعدنا عن الدين
اكيد هودى السبب الاساسى
وبيترتب عليه عدم الرضا بما قسمه الله لنا
وعدم الحمد
والنظر دائما لما هو اعلى
ولا ننظر ابدا لما هو اقل منا
المشكله كلها تكمن فى عدم الرضا
وعدم الشكر للله على نعمه
فحلت بنا قله البركه
ومنها نتفرع
كلام كتيييييييييييييييييييييييييييييييييير
بس الخلاصه هى عدم الرضا بلمقسوم

وفى معنى الحديث القدسى
يقول الملى عز وجل
بن ادم ان لم ترضى بما قسمته لك
لاسلطن الدنيا عليك تركض فيها كركض الوحوش فى البريه
ولا يصيبك منها الا ما قد قسمته لك
مش حافظ الحديث بلنص بس دى معناه
لازم نرضى بلمقسوم وان كان من وجه نظرنا قليل
اشكرك سما على الطرح
واتمنالك واتمنى لكل المسلمين الرضا بما هو مقسوم
اسف على الاطاله
ودى وتقديرى

يقول تعالى: (ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ)
اله الا الله ………….علي ما أعتقد ان الاية الكريمة تُفسر نفسها ولا تحتاج إلي دلالة أكثر من ذلك ورغم ذلك نجد ان الانسان مستمر في الإفساد
هل سمعت عن إنفلونزا الطيور….ولا إنفلونزا الخنازير….ولا جنون البقر…..ماذا تبقي لكي يُصاب …..السمك …قريباً انتظروا إنفلونزا السمك أو ربما يسمونه باسم آخر…..لا اله الا الله …..ازمة عالمية مالية لا تُبقي ولا تذر ….أليست هذه الازمة هي الحرب التي قال بها أصدق الصادقين وأعز القائلين في كتابه العظيم ” يا أيها الذين امنوا اتقوا الله وذروا ما بقي من الربا إن كنتم مؤمنين فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ ” صدق الله العظيم البس هذا دليلا كافياً مقنعاً لكي نذر التعامل بالفائدة …..لا اله الا الله …اتذكر الأن أحد الشاعر الذي يقول : كالعيس في البيداء يقتلها الظمأ والماء فوق ظهورها محمول. هكذا نحن أمة الإسلام نفعل كالعيس نموت من الظمأ والماء بين أيدينا…. نذهب هنا وهناك نحاول ان نخرج من الأزمة نستورد أفكاراً معلبة أصحابها ليسوا منا لا يشعروا بنا وبمشاكلنا ظروفهم غير ظروفنا أحولهم غير أحوالنا…. ورغم ذلك نثق في أفكارهم وخبراتهم وكتاب الله بين أيدينا يقدم لنا الحلول والدواء ………لا اله الا الله …ولا حول ولا قوة الا بالله
تذكروا قول الرسول الامين : تركت فيكم ما إن تمسكتم به لن تضلوا بعدي أبدا كتاب الله وسنتي

فعلا كلام صح مقدرش اقول عليه شي بس معنديش حل والله
كل لي قلتيه بنتعمل معه يوميا

احلى حاجه نحلم ببكرة لو جه بكرة ومفيش جديد نستنى بعدة نعيش على الامل هيصبرنا على اللى احنا فيه والله كريم

اقول لك كما قال اخونا عصام
هو البعد عن الدين
وحبنا للدنيا وزينتها
نحن لسنا بفقراء
نحن نعيش احل من ابائنا واجدادنا
لو رجعنا للوراء لوجدنا المعيشة صعبة جدا جدا
ليس الفقر هو مايفعل بنا هذا
انة سلو الناس السيء
الذينا غالو فى كل شيء
نعيب زمننا والعيب فينا ومالزمننا عيب سوانا
المهم ربنا يوفقك يارب فى كل مجلات الحياة
وان ترضى بما قسمة الله لك تكونى اغنى الناس
وان شاء الله محنة وتعدى
تقبلى خالص تحياتى