اليله الكبيره

موضوع: اليله الكبيره الثلاثاء مايو 11, 2010 7:22 am

أوبريت الليلة الكبيرة

بنات:
قبة سيدنا الولي دول نوروها .
محلا البيارق والناس بيزوروها .
قبة سيدنا الولي في الجو عالية.
محلا البيارق لما نوروها.

بائع:
حمص حمص
تل ما ينقص
عالنار يرقص.
يرقص يرقص
ويقول .
اللي شاف حمص ولا كلش .
حب وتلوع ولا ولا طالش.

فتاة:
يسترك هات حبه بقرش.

الجميع: هاهاهاها.!

بائع:
حمص حمص ....الله

طعمية ,

الله ... الله... باللوز,

الله ...عجمية الله....

اراجوز ,

الله ....

المجموعة:
الليلة الكبيرة ياعمي والعالم كتيرة.

ماليين الشوادر يابه
م الريف والبنادر.
دو فلاحين ودول صعايدة
دول من الكانال ودول رشايدة.
الليلة الكبيرة ياعمي والعالم كتيرة.

العمدة:
ياحضرة الاراجوز قول لي ,

الاراجوز:
نعم ياعمدة عاوز ايه .

العمدة:
منين يروحوا لمتولي ؟

الاراجوز:
امدح نبينا وصلي عليه .

العمدة:
اللهم صلي عليه.

الاراجوز:
تمشي كده على طول على طول .
لحد ماتلاقي عمارة.
تدخل يمين تسأل بتاع فول
دكانته على ناصيه حارة.

المجموعة:
دكانته على ناصيه حارة.
تدخل يمينك في شمالك..
شارعين وفي التالت تفتر
على اليمين واخد بالك
وتمشي على طول تتمخطر.

العمدة:
وامشي على طول واتمخطر!,

الاراجوز:
تفضل كذا تمشي وتدب ..
وتخش من مطرح ما طلعت
ولما تلقى مقلب لب .

العمدة:
ولما القى مقلب لب .

يارب انك تهت وضعت !

العمدة:
دي وصفه هايله , دي وصفه سهله .

المجموعة:
مع السلامه , مع السلامة ,
مع السلامة يابوعمة مايله .
مع السلامة يابوعمه مايله

لاعب البخت:
فتح عينك , تاكل ملبن .
فينك فينك , تاكل ملبن.

اوعى لجيبك .. لاالعيب عيبك
, قرب ... جرب ... نشن
وسطن ايدك وسطن.
إضرب..

(البندقية: طاخ!

اللاعب:
يحميك يابني تبقى غالبني.
قرب خد لك حتة ملبن.

بائع:
فريرة للعيل..
يابو العيال ميل.
خد لك سبع فرارير..
زمارة.. شخليلة..
عصفورة ياحليلة..

طراطير ياواد طراطير!

المعلن:
الليلة السيرك تعالوا دي فرجة
تساوي جنية . قولوا هيه..
بمناسبه هذا المولد يوجد
برنامج سواريه... قولوا هيه .

في السيرك شجيع يهجم ع السبع
ويركب دغري عليه ...قولوا هيه ..
وبنات قمرات زي الشربات
حلوين مش عارف ليه... قولوا هيه.

بائع:
سمك مقلي كل وبرق لي! صنف زي اللوز.

بائع:
استخار واختار
فشه أو ممبار .
يالله سمي وكل.

عجوز:
اسعى , اسعى , اسعى .

مصوراتي :
خد لك صورة سته ف تسعه .

العجوز:
اسعى , اسعى , اسعى.

قهوجي:
يا سي عجورة النار خسعة!

فلاح:
ناس من بلدنا هناك اهم.
روح يابراهيم انده لهم.
سلامات سلامات سلامات ..
سلامات ع البلديات.

فلاح:
دي الحضرة والذكر انجلى.
يالله بنا نذكر ياوله.

المنشد:
شفت ف منام صاحب المقام .

ده ابهه.

المجموعة: ده ابهه .

المنشد:
ويمامه حايمه عليه تسبح ربها .

المجموعة:
يانور النبي ...يانور النبي.

المنشد:
ميلت فوق يده وجيت احبها .

المجموعة:
أحبها .

المنشد:
صحوني م النوم
خدت بعضي وتني جي
تني جاي... تني جي.

الجميع : الله حي.

زفة المطاهر.

نساء:
يأم المطاهر رشي الملح سبع مرات .
في مقامه الطهر خشي وقيدي سبع شمعات.

أطفال:
ياعريس ياصغير .

علقة تفوت ولاحد يموت .

لابس ومغير وح تشرب مرقة كتكوت.

في القهوة

المعلم:
بالذمة دا سابع عيل.

مزفوف من وقت قليل.

القهوجي:
مولد شيلالاه يامعلم . عقبال اولادك.

المعلم:
كلمِ.

نداءات:
واحد مضبوط واتنين مصري.

القهوجي :
ع النار حاضر جايلك دغري.

يوزع تحيات:
مسا التماسي يا مسا التماسي
ياورد قاعد على الكراسي.

نداء:
هات شاي يا دقدق .

القهوجي:
عيني وراسي.

يدخل الريس حنتيرة مغن القهوه الصعيدي.

الجميع:
سمعنا ياريس حنتيرة ..
للصبح معاك السهيرة.
سمعنا.... سمعنا .

حنتيرة:
ياغزال ياغزال

ده العشق حلال

دوبتني دوب

خلتني خيال

ياشفتك فص فراوله
وانا لاقوه ولا حوله
شقلبتني عقلي علاولة
اه ياغزال
يارب ياعلم بالحال
تهدي حبيبي ويصبح عال
واغني وارقع بالموال
آه يا غزال

المعلم:
وقف ياريس حنتيرة .

في ناس هنا قاعدة كتيرة .

ولاحد قال هات تعميرة
ولاواحد شاي ,

المجموعة:
ولاحد قال تعميرة ولا واحد شاي .

المعلم:
اللي حيطلب رح يقعد.

والل ما يطلبش يبعد .

زبون:
يالابنا نخرج يامسعد شارع الترماي.

يخرجان!

في السيرك
المدرب :
انا شجيع السيمة .
ابو شنب بريمة .
اول ما قول "عالي هوب"
واصرخ لي صرخة
السبع يتكهرب ويبقى فرخه!
حالا بالا سأصارع .
اسد انما ايه؟ متوحش .
وح خلي في وجهه شوارع .

المجموعة: لا لا لا ما يصحش .

المدرب :
اهه جه اهه جه! تسقيفة بأه.
تسقيفه امال ,
تشجيعه اما ل .
تعالى لي يا حبيبي تعالى لي .

خارج القهوة.

الاخر :
اوعد يارب اوعد
آدي كمان قهوة .

الاول :
يللا بنا يامسعد ,
ندخل على سهوه!
في القهوة الثانية

الغازية:
طار في الهوا شاشي
وانتى ما تدراشي .
طرفه شاوري عليك ,
حكم الهوا ماشي .
حكم الهوا ماشي.
هوا العصاري . ياواد
على سطح داري ياواد .
خدني ورماني رماني
عليك هوا العصاري.
آهين ياناري ..منك ياجاري
خدني ورماني رماني عليك هوا العصاري.

صاحب القهوة:
اللي حيطلب راح يقعد
واللي ما يطلبش يبعد.

الزبون:
يالللا بنا نخرج يا مسعد شارع الترماي.

لعبه زق الطارة

صاحب اللعبة:
ورينا القوة .
يابني انته وهوه .
مين عنده مروة
وعاملي فتوه .
يقدر بقداره على زق الطارة ويفرقع بمبه.
شاب:
وسع وسع وسع .
انا ازق الطارة
واضرب ميت بمبه .

دنا الاسطى عمارة
من درب شكمبة .

صيتي من القلعة
لسويقة الللا لا
انا واخد السمعه.

الجميع:
طب يالله تعالى

الشاب:
لاياعم سعيدة .. دي البدلة جديدة.

الجميع:
ها هاهـئا سعيده .. يابو بدله جديدة ..

سيدة:
ياولا د الحلال
بنت تايهة طول كده
رجلها الشمال
فيهاخلخال زي ده .

رجل:
زحمة ياولداه .
كام عيل تاه .

بائع:
فريرة للعيل

الجميع:
دي الليلة الكبيرة ياعمي والعالم كتيرة .

ماليين الشوادر يابا م الريف والبنادر

كنت عاوز ارفعها فى المنتدى فديو
بس خساره النت ما ساعدنيش
اتمنى تعجبكم

جميـــــــــــله جـــــــدآ يــــــــا عصـــــــــام

نايــــــــــــــــــــــس بجـــــــــد

بــتـذكـــــــــرنا بــأيـــام الطفـــــــــوله الجميــــــــــله

وأليك تحـــــــــياتى

وتقبـــــــــل مرووووووووورى

الاجمل مرورك يا احلى نسمه
مرورك على العين قبل الراس
ربنا ما يحرمنا طلتك

هههههههههههههههههههههههههه

جميلة والله يا عصااااااااااام

يااااااااااااه كنت بحب اتفرج عليها كتر

تسلم يا حبيب قلبي

جميلة الليلة الكبيرة

تقبل تحياتي يا قمررررررررررر

يسلمووووووووووو يا بلسم
وتسلم دحكتك يا غالى
ان شاء الله الدحكه ما تفارق وجهك
ربنا ما يحرمنا من نورك

جميلة كلمات جميلة وبسيطة

تحكي حال الارياف والموالد

تسلم اخي عصام

الاجمل مرورك العطر
يا احلى روان
ربنا ما يحرمنا من وجودك
دمتى بكل ود

حاجات زمان

وصلاح جاهين والناس الجميلة

دي روعه يا عصاااام

الاروع وجود على متن
صفحتى المتواضعه يا صفصف
فعلا صلاح جاهين وسيد مكاوى ابدعو فى اليله الكبيره
يسلموووو على المرو صفصف

مرورك على العين والراس
التميز انتى فيه داااااااااااااااائما
دمتى بكل ود حيره الاشواق

يسلم مرورك يا قطرات
الف مليون حمد الله على السلامه

موضوع: رد: اليله الكبيره السبت مايو 15, 2010 6:47 am

موضوع: رد: اليله الكبيره السبت مايو 15, 2010 6:48 am

موضوع: رد: اليله الكبيره السبت مايو 15, 2010 2:22 pm

يسلموووووووووووووووووووووووووو
حيره على المرور
دائــــــــــــــــــــــــــــــــــــــــما منوره
الله لا يحرمنا طلتك
دمتى بكل ود

موضوع: رد: اليله الكبيره السبت مايو 15, 2010 2:45 pm

بجد انت ملكش حل ياحلى عصام
فكرتنى بايام زمااااااااااااااااااااااااان
ايام صلاح شاهين وكتاباتة
والحجات الحلوة
ويلا بينا يامسعد نخرج شارع الطرماى وطار فى الهوى شاشى
تسلم يارنس

موضوع: رد: اليله الكبيره الأحد مايو 16, 2010 8:27 am

طار فى الهوى شاشى وانت ما تدراشى
يا جدععععععععععععععععععععععع
يسلمووووو على المرور يا دكتور

يسلمووووووووووووووووووو
على المرور يا احلى
رواق الامراء
لا عدمنا وجودك

مش لاقيه شي اقول اكتر من اني اعجبت جدا بتلك الكلمات وصاحبها

تقبل ودي ومروري العطر اكيد

ههههههههه
يسلمو عصام منورنا ديما
وان شاء الله على طول

اكيد اكيد اكيد
مرورك العطر نفسه
يا احلى هاله
الله لا يحرمنا من وجودك دائــــــــــــــــــــــــــــــــــــــــــــــــــــــــما
انتى فين مش بتدخلى كتير يعنى
اتمنى يكون المانع خير
عاوزين نشوفك ديما تنورينا
دمتى بكل ود

مرورك هو الابداع
مرورك على الغين والراس
الله لا يحرمنا نورك
ودى وتقديرى احلى حيره